Tarjeta berriak

I designed these brand new visit-cards for myself!

Kaixo! Tarjeta berriak egin ditut! Asko kostatu zait, 10 urte edo, gutxi gora behera, bueno, ez horrenbeste, txantxetan… Baina, tira, azkenean, hemen daude. Gustatzen? Aspaldi nengoela niretako tarjetak egiteko asmoarekin… Beti nenbilen nire kontaktua post-it-etan eda paper puska xiztriñetan ematen… Noski, ez da batere itxura ona nire buruaz eskaintzen nuena. Eta hori ez da posible, ezin liteke! Marrazki asko egin eta gero, nire FirePlace-eko lankideek asko lagundu zidaten erabakitzen. Inprimatu The Folio Club delakoan.

Tarjeta-4-t-aurretikTarjeta-4-t-atzetik

Tarjeta-bodegon-2-web-op

“Esku ezkerraz”, Antonio Casadoren liburuaren aurkezpena, Igandean

Antonio Casado da Rocha-k idatzitako “Esku ezkerraz” poema liburuaren azalarako marrazkia egin nuen.

Eta baita ere Antonio lagunaren karikaturia, nola ez. Utriusque Vasconiae argitaletxe ausartak argitaratu du liburua.  Igandean, Larrabetzun, aurpegia elkarri ikusiko diogu.

Antoniok poesiari buruzko blog oparoa dauka, bertan hainbat poema eta haikuen itzulpenak ematen ditu, baita beste poetei elkarrizketak, eta, orohar, poesia hedatzeko bururatzen zaiona konpartitzen du.

Antonioren lana, poeta moduan, asko erakartzen nau. Alde batetik, egile eta dibulgatzaile lana egiten duelako. Bestalde, gaztelera eta euskararen arteko tensio horretan ere badagoela iruditzen zaidalako, (ni neu nagoen bezala). Gainera, ez du “gai handietaz” aritzen, gauza xumeak gustatzen zaizkio: bere familia, bidaiak, hegazkinak, ordenagailuak,… Burges puntu bat ere badauka bere poesiak, eta horrek “benetasuna” azaltzen du bere lanean, burrukalari itxura egin barik, ez burrukalarion alde edo kontra egoteagatik, “itxura egitea”-rena ez doala hortik. Zaila da ezeren itxura ez egitea, eta Antoniok zerbaitetaz planta egiten badu, poetarena da. Zer dira artistak, artisten planta egiten duten tipo xelebre batzuk baino?

Igandeko ebentorako, Antoniok, liburuaren azalerako nik egindako zirriborroekin orrialdetxo bat prestatu du. Eskerrik asko!

Egun batez, bederen, euskal letren lore ta esnegainarekin egongo naiz!