Bideo animazio ekologistak (eta sozialak)

Azken urtetan egindako hainbat animazio ekologista eta sozialak

Aspaldian egiten ditudala bideo animazioak, marrazki bizidunak, motion graphics (nahi duzun moduan deitu). Nik uste 2.000. urtean Flash aplikazioa ezagutu nuenetik. Denetarik egin dut, komertzialak, eta enpresetarako (orain ezin erakutsi).

URA DA, GU GARA

Orain dela gutxi URA Agentziarako (Eusko Jaurlaritzakoa) egin dugu 26 (hogeitasei!!) pilula minutu batekoak. Danak online daude, Youtuben, euskaraz eta gazteleraz (bideo ezberdinak). Hona hemen hoietako pare bat:

Eta 26 bideo-animazioak, hemen, URA Agentziako webgunean.

Bai, Euskal Telebistan bota dutenak dira.

‘RESPONSEABLES’

Azti-ko lagunekin egin nituen itxasoen inguruko uren animazioak. ‘ResponSEAble’s hitz jokoekin Europako laguntza bat zegoen, eta apur horrekin sei bideo animazio egin genituen. Hauetako bakoitzak luzetxoak dira (5 minutu inguru). Hainbat bertsio egin genituen (gazteleraz, ingelesez, baten bat frantsesez, errusieraz…). Hona hemen euskerazkoak:

LASTA URAK

MIKROPLASTIKOAK

KOSTALDEKO TURISMOA

ITSAS ENERGIA BERRIZTAGARRIAK

ARRANTZA JASANGARRIA SOS

Aztikoen Youtube kanalean zerrenda bat egin dute bideo guzti hauekin (Euskaraz eta gazteleraz)

ALAIA, EUSKALDUNA ETA MUSULAMANA

Gaia aldatuz, SOS arrazakeria Gipuzkoako jendearekin, neska gazte baten abenturei buruz komikiak eta bideo animazio bat ere ekoiztu genuen eskutxo hauekin:

(Info gehiago)

ZAS! AKTIBATU ZAITEZ!

2016an hauxe egin nuen, ZAS! antirumor talde zoragarriarentzako. Info gehiago hemen.

Lan piloa dago han eta hemen, ezin dut dena erakutsi post bakar batean. Batzutan, ezin denbora hartu post bat egiteko ere, eta proiektua erakutsi barik gelditzen da blog honetan. Pixkanaka pixkanaka arrakala hau konpontzen joango naiz. Eskerrik asko! Ongi izan!

 

Karikatura tallerra Zumalakarregi museoan

Ormaiztegin, gaztetxoentzako “KARIKATURA TAILERRA” Pernan Goñiren eskutik. Irailak 23, 16.00-19.00

Ormaiztegiko Zumalakarregi Museo dotoreko lagunek, bertan karikatura tallerra emateko gonbitea luzatu zidaten, gaztetxoei. (12 urtetik gorakoentzat).

Apuntau!:

Datorren larunbatean, Irailak 23, arratsaldeko 16.00etatik 19.00etara izango da.

Zer egingo dugu? Ba, hasteko, ondo pasatu. Oso zaila da marrazten ongi aritzea sufritzen ari bazara! Hala ere, lana edo, apurtxo bat egin beharko dugu. Lasai, ze materialea bertan egongo da. Tallerra teoriko eta batez ere praktikoa izango da. Teknika klasikoak eta digitalak ikusiko ditugu.

3€ (1,5€ Famili Txartelarekin)

Deitu izena emateko! Kopuru mugatua da eta! Merienda ere badau!

Zumalakarregi museoa info:
943 88 99 00
mzumalakarregi@gmail.com

Euskara eta Unibertsitatea

Urriaren 8an,  “Euskara eta unibertsitatea” mahai inguruan egin nuen Graphic Recording delakoa, Antonio Casado Da Rocha lagunak gonbidatuta. Ondo egon zen, pixka bat zaila, ze mahaiko partaideen interbentzioak azkarrak eta biziak izan ziren, ia irratsaio baten erritmora, eta konferentzietako ideia garatuak baino flaxak izaten ziren. Azkar marraztu behar izan nuen!

aktibo!eus mahai borobilaren Graphic Recording. Unibertsitatea, euskal hiztunen sorlekua? Pernan Goñik marraztuta. Continue reading “Euskara eta Unibertsitatea”